अन्तर्राष्ट्रिय् नागरिक उड्डयन संगठन (ICAO) को प्रावधान अनुसार हालसम्म Machine Readable Passport (MRP) जारी नगरिसकेका सवै सदस्य राष्ट्रहरुले आगामी ०१ अप्रिल २०१० (१९ चैत्र २०६६) देखि मेशिनद्वारा विवरण पढ्ने तथा बाहकको बैयक्तिक विवरण भण्डारण गर्न सकिने राहादानी MRP जारी गर्नको लागि आवश्यक तयारीहरु परराष्ट्र मन्त्रालयबाट भैरहेकोछ ।
०१ अप्रिल २०१० देखि जारी गरिने MRP तथा हाल जारी गिरंदै आएका हस्तलिखित राहादानीका सम्बन्धमा देहायबमोजिमका बुँदाहरु सर्वसाधारणको जानकारीको लागि प्रकाशित गरिएको छः
हाल जारी गरिदैं आएका हस्तलिखित राहादानीहरु (पासपोर्ट) अव ३१ मार्च २०१०
सम्म मात्र जारी गरिने छ ।
हाल जारी भैसकेका वा ३१ मार्च २०१० सम्म जारी गरिने हस्तलिखित राहादानीहरु लिई मिति २४ नोभेम्वर २०१५ सम्म मात्र विदेश भ्रमण गर्न सकिने छ ।
मिति २४ नोभेम्वर २०१५ पछि विदेश भ्रमण गर्नेहरुले भने अनिवार्य रुपमा MRP लिनु पर्ने भएकाले सम्बन्धित सबैले आ-आफ्नो अनुकूल समयमा सो मिति अगावै MRP लिनु पर्नेछ ।
०१ अप्रिल २०१० देखि नै MRP जारी गर्नेतर्फ आवश्यक कारवाहीहरु हुँदाहुँदै पनि यो प्रक्रिया जटिल भै ICAO को प्रावधान अनुसार केन्द्रीकृत गरी सुरक्षित स्थानबाट मात्र जारी गर्नुपर्ने भएकोले MRP साधारण राहादानी जस्तो तुरुन्त जारी गर्न नसकिने र हाल जारी भएसरह प्रत्येक जिल्ला तथा विदेशस्थित नियोगहरुबाट जारी गर्न नसकिने भै केन्द्रीय राहादानी कार्यालय परराष्ट्र मन्त्रालयबाट मात्र जारी गर्ने व्यवस्था हुनेछ
MRP लिनका लागि आवेदकले निवेदन प्रस्तुत गरेको दिनबाट ८ देखि १० हप्तासम्म लाग्नसक्ने हुन्छ ।
मिति ०१ अप्रिल २०१० देखि जारी हुने MRP को दस्तुर तथा २४ नोभेम्वर २०१५ पछि सम्मको बहाली म्याद भएका हस्तलिखित राहादानी बाहकहरुले राहादानीलाई MRP मा बदल्दा लाग्ने दस्तुरका बारेमा पछि नेपाल सरकारले गर्ने व्यवस्था यथासमयमा सवैलाई जानकारी गराइनेछ
नोटः यो सूचना नेपाल सरकार परराष्ट्र मन्त्रालय केन्द्रीय राहादानी कार्यालयको मिति २०६६।११।१० को पत्रबाट प्राप्त भएको ।
